囝仔問問題不知按盞應｜#15
🦄Siá/Tiongkokōe/SióNgá tī 2016 nî 3 goe̍h 24, Pài 4
🐕E̍k/Tâioânōe/Jūn tī 2022 nî 2 goe̍h chhe 1, Pài 2
Ba̍ksái ti̍tti̍t lâu ·lo̍h·lâi.
Nā goân chokchiá koh tī Tâioân, si̍tchāi chiok siūⁿbeh chio i chòhóe lâi kah aBêng*2 kóng Tâigí.
目屎直直流落來。
Nā 原作者閣 tī 台湾、實在足想beh chio 伊做伙來甲阿明*2 講台語。
PTT | TW-language
Chokchiá: stukatw (Stuka)
Piautê: #Chhéngkàu | Gínná Mn̄g Bûntê M̄chai Ánchóaⁿ Ìn
Sîkan: 2016 nî 3 goe̍h 20, Lépài, 12:29:28
PTT｜TW-language
作者：stukatw（Stuka）
標題：#請教｜囝仔問問題不知按盞應
時間：2016 年 3 月 20、禮拜、12:29:28
Gún tòa kok gōa, m̄koh chhù ·nih gínná chēng sèhàn tiō kóng Tâigí.
Kūnî tńg ·lâi Tâioân 1 chōa, gínná hoathiān i kinpún tiō bô hoattō͘ iōng Tâigí kah pat ê gínná ko͘thong.
Kináji̍t i hiônghiông kā góa mn̄g, sī ánchóaⁿ Tâioânlâng bēhiáu kóng Tâioânōe? Góa sim lāi chiok kankhó͘. M̄koh mā sī kā i kóng Tâioân ū chiok chē khoán bô kâng ê gígiân, m̄sī só͘ū ê lâng lóng iōng lán kóng ê “Tâigí”.
M̄koh góa chaiiáⁿ che m̄sī chèngkhak ê tapàn.
M̄ chaiiáⁿ gínná ê bûntê kokūi lóng ánchóaⁿ ìn?
I kinnî 5 hòe, só͘í hibāng tapàn ētàng hō͘ i khah hó liáukái.
阮 tòa 國外、不閣厝裡囝仔從細漢 tiō 講台語。
舊年返來台湾一 chōa、囝仔發現伊根本 tiō 無法度用台語甲別个囝仔溝通。
今仔日伊雄雄 kā 我問、是按盞台湾人袂曉講台湾話？
我心內足艱苦。不閣 mā 是 kā 伊講台湾有足多欵無仝 ê 語言、不是所有 ê 人 lóng 用咱講 ê「台語」。
不閣我知影這不是正確 ê 答案。
不知影囝仔 ê 問題各位 lóng 按盞應？
伊今年 5 歲、所以希望答案 ē凍 hō͘ 伊卡好瞭解。
Tionggí goânbûn / 中語原文：
